(4 гыйнвар 2019) РФ Премьер-министры Дмитрий Медведев 2019-2021 елларда милли сәясәт стратегиясен чынга ашыру планын раслады, дип хәбәр итә РФ хөкүмәте матбугат хезмәте.
Әлеге план проекты 2018 елның 19 декаберендә узган РФ Президенты каршындагы милләтара мөнәсәбәтләр Советы президиумы утырышында каралган һәм расланган.
План, аерым алганда, дәүләт милли сәясәтен нәтиҗәле чынга ашыру өчен социаль-икътисади шартларны җайлауга, Россия халыкларының милли-мәдәни үсешенә ярдәм итүгә юнәлдерелгән 58 пункттан тора, дип ачыклык кертелә.