(4 апрель, 2017 ел) 22-23 июньдә Менделеевск муниципаль районының Енабердино авылында «БиГерд» — «Без бердәм буын» регионара удмурт яшьләре форумы узачак.
«БиГерд» — «Без бердәм буын» регионара удмурт яшьләре форумы «Гырон быдтон» республикакүләм удмурт мәдәнияты бәйрәме (2017 елның 24 июне) белән бер мәйданда һәм бер вакытта Менделеевск районының Енабердино авылында үтәчәк.
Форумның төп максаты — удмурт яшьләрен удмурт халкының йолалары һәм гореф-гадәтләрен, мәдәниятын популярлаштыру, телен һәм мәдәниятын үстерү, саклау һәм яңарту буенча алып барылучы эшчәнлеккә, шулай ук россиякүләм бердәмлек һәм милләтара берләшү идеяләрен хөрмәтләү принципларына нигезләнгән милләтара, мәдәниятара үсешкә җәлеп итү.
Форум актив удмурт яшьләре арасыннан потенциаль лидерларны билгеләү өчен шартлар тудырырга, яшь удмуртларга эшмәкәрләр, җәмәгать лидерлары һәм хакимият һәм идарә органнары вәкилләре белән аралашу өчен мәйдан булдырырга булышачак. Чара кысаларында удмурт милли киемнәрен кигән яшьләр тарафыннан зур масштабтагы флеш-моб күрсәтеләчәк.
Катнашучылар яше: 18дән 30га кадәр. Һәр районнан 1-2 катнашучы кабул ителә. Форумда барлыгы 50 кеше булачак.
Татарстан халыклары Дуслыгы Йорты мәгълүмат үзәге