(18 май 2021) Менделеевскта ТР Премьер-министры урынбасары Васил Шәйхразыев һәм Менделеевск муниципаль районы башлыгы Валерий Чершинцев катнашында Татарстан Республикасында Туган телләр һәм халыклар бердәмлеге елын әзерләү һәм уздыру буенча күчмә киңәшмә узды.
Утырыш башланыр алдыннан катнашучылар өчен Менделеевск районының мәдәни-мәгариф урыннары буенча экскурсия үткәрелде.
Менделеевск шәһәренең С.Гассар исемендәге мәдәният йортында катнашучылар халык-гамәли иҗаты күргәзмәсен карадылар һәм районның милли берләшмәләре вәкилләре белән аралаштылар.
Утырышны Татарстан Республикасы Премьер-министры урынбасары Васил Шәйхразыев һәм Татарстан Республикасы Менделеевск муниципаль районы башлыгы Валерий Чершинцев чыгышлары ачты.
Чара планында Татарстанның дүрт районындагы мәгариф оешмаларында һәм мәдәният учреждениеләрендә — Менделеевск, Әгерҗе, Алабуга һәм Мамадыш районнарындагы эшне оештыру турында докладлар тыңланды.
Утырышта Татарстан халыклары Ассамблеясе Советы башкарма комитеты җитәкчесе Константин Яковлев, Татарстанның Халыклар дуслыгы йорты директоры Ирек Шәрипов, республиканың милли-мәдәни берләшмәләре җитәкчеләре һәм башкалар катнашты.
Дуслык йортының мәгълүмат үзәге