Әлеге очрашуда Менделеевск муниципаль районы мәдәният идарәсе башлыгы Екатерина Шигапова һәм Татарстан халыклары Ассамблеясенең биредәге вәкиллеге җитәкчесе, Менделеевск халыклары Дуслыгы йорты директоры Фирүзә Габдрахманова катнаты.
Татарстан халыклары яшьләр Ассамблеясе җитәкчесе урынбасары Амриддин Камолов җирле яшьләрне «Многоликий Татарстан» проекты һәм видеотасмалар аша оешманың эшчәнлеге белән таныштырды. Шулай ук ул Россия яшьләре грант проектлары һәм аларда катнашу шартлары турында сөйләде.
Очрашуда катнашучыларны МУВИ форум-театрының яңа эксперименталь куелышында катнашырга да чакырдылар.
«Яңартылган сценарийның тамашачыларда яхшы хисләр тудыруы безне куандырды. Егетләр һәм кызлар туган проблемадан чыгу өчен берничә юл тәкъдим иттеләр һәм, стериотипларны җимереп, конфликтның уңай чишелешен таптылар», — дип сөйләделәр оештыручылар.
Очрашу ахырында Татарстан халыклары яшьләр Ассамблеясенең Менделеевсктагы вәкиллеге җитәкчесе итеп Миләүшә Гыйзатуллина сайланды. Ул ААҖ «Сетевая компания»дә инженер булып эшли.
Исегезгә төшерәбез, Татарстанда яшьләр Ассамблеясенең җиде вәкиллеге эшли иде: Әлмәт, Бөгелмә, Алабуга, Түбән Кама, Минзәлә, Нурлат һәм Чистай районнарында. Менделеевсктагы вәкиллек сан буенча сигезенче булды.