Милләтләр эшләре буенча Федераль агентлык (МЭФА) тарафыннан эшләнгән Үзәк Азия мигрантлары өчен җайлашу курсы ирекле һәм түләүсез булачак. Бу хакта агентлык башлыгы урынбасары Станислав Бедкин хәбәр итте.
Дүрт блоктан торган айлык лекцияләр курсы (мигрантларга тел, этикет, мәдәният һәм закон турында сөйләячәкләр) хәзер биш төбәктә — Пермь һәм Краснодар краенда, Калининград һәм Мәскәү өлкәләрендә, шулай ук Якутиядә — апробация уза. Ә инде сентябрьдә МЭФА аны бөтен илгә таратырга планлаштыра.
«Бу курсны без сентябрь аенда тәмамлыйбыз. Һәм барлык төбәк компонентларын җыйгач, эшкәртеп, тагын бер кат профильле ведомстволарыбыз белән кайбер мәсьәләләрне ачыкларбыз да, аны алга таба гамәлгә ашыру өчен барлык субъектларга җибәрергә әзер булачакбыз. Россия Федерациясе субъектлары аны кертү ысулларын һәм механизмнарын үзләре билгеләячәк»,- дип сөйләде Станислав Бедкин Россия мәгълүмат агентлыгында узган матбугат конференциясендә.
ТХДЙның мәгълүмат үзәге,
«Милли акцент» материаллары буенча