(12 декабрь, 2016 ел) «Яңа гасыр» телеканалында «Җырлыйк әле!» тапшыруының яңа ел тамашасын төшерделәр. Анда Татарстан халыклары Ассамблеясенә кергән милли-мәдәни автономиләр вәкилләре катнашты.
«Җырлыйк әле!» тапшыруы — татар телевидениесе тарихында иң популяр һәм уңышлы булган проектларның берсе. Бу тапшыруда тамашачы татар халык җырларын да, заманча җырларны да ишетә ала.
Соңгы төшерелгән тапшыруда Татарстан халыклары Дуслыгы Йорты хезмәткәрләре, Артистлар Рәфинә Камалова, Вадим Захаров, Эльвира Галимәрданова катнашты. Аларга кушылып татар җырларын Казанның милли автономияләре вәкилләре дә башкарды.
Җанатарлар казанлыларны Яңа ел белән котладылар һәм рус, татар, чуаш, керәшен, казах, үзбәк, төркмән һәм башка телләрдә җырладылар.
Тапшыру 31 декабрь көнне «Яңа гасыр» каналында күрсәтеләчәк.
Татарстан халыклары Дуслыгы Йорты мәгълүмат үзәге