(30 гыйнвар, 2017 ел) Татарстан Республикасы Мәдәният министрлыгы милли-мәдәни проектларны чынга ашыручы оешмалар арасында ТР Хөкүмәте грантын оту буенча конкурс игълан итә.
Бу елны финанслау күләме 5 миллион сум. Гаризалар 1 февральдән кабул ителә башлый. Документлар бирүнең соңгы срогы — 2 март, дип хәбәр итә ТР Мәдәният министрлыгы матбугат хезмәте.
Конкурста Россия Федерациясе регионнарында (Татарстан Республикасыннан тыш) татар милли мәдәниятын үстерү, гореф-гадәтләрен һәм йолаларын саклауга юнәлдерелгән эшчәнлек алып баручы җәмәгать оешмалары катнаша ала. Тагын бер мөһим шарт – закон буенча теркәлгән һәм бер елдан күбрәк эшчәнлек алып барган оешмалар гына дәгъва кыла ала.
Конкурста катнашу шартлары һәм документлар тапшыру тәртибе белән тулырак Татарстан Республикасы Мәдәният министрлыгы сайтында танышырга мөмкин.
Татарстан халыклары Дуслыгы Йорты мәгълүмат үзәге