(10 октябрь, 2016 ел) Татарстан халыклары Дуслык Йортында миграция сораулары буенча киңәшмә узды. Әлеге чарада ТР буенча Эчке эшләр министрлыгы, суд пиставлары хезмәте вәкилләре һәм Татарстан халыклары Ассамблеясына караган милли-мәдәни автономияләр җитәкчеләре катнашты. (ФОТО)
Ведомстволар ягыннан группаны ТР буенча Эчке эшләр министрлыгының
Очрашу барышында документлар төзү процессы, РФ мигрантларга караган законнарын бозган чит ил вәкилләрен тоткарлау һәм туган якларына озату кебек мөһим сораулар каралды.
Моннан тыш оешмалар җитәкчеләре Фәргать Мөхәммәтҗановка Татарстан халыклары Ассамблеясы Советы составына керергә тәкъдим иттеләр. Болай эшләү Эчке эшләр министрлыгы белән җәмәгатьчелек йөзеннән чыгыш ясаучы Ассамблеяның тагын да ныграк тәэсирләшүенә китерәчәк дигән фикер әйтелде. Шулай ук ТР үзбәкләренең милли-мәдәни автономиясе җитәкчесе Абдуманоб Абдусаттаров оешмалар белән студентлар (аеруча да беренче курста укучы чит ил студентлары) арасында профилактик һәм агарту эшләре буенча уздырыла торган очрашуларда Эчке эшләр министрлыгы структуралары вәкилләрен дә күрү теләген белдерде. Каршы як барлык тәкъдимнәрне тыңлады һәм игътибарга алды.
Татарстан халыклары Дуслык Йорты мәгълүмат үзәге