«Үз республикагызны ни өчен яратасыз, аның нәрсәсен бигрәк тә кадерлисез, Татарстан турында аның кунакларына иң беренче чиратта нәрсәне сөйләр идегез? Бу хакта видеоролик төшерегез. Видео ярдәмендә Татарстанны нидән башка күз алдына да китерә алмавыгыз турында кыска һәм ачык итеп сөйләргә тырышыгыз. Мондый шәхси кичерешләрдән һәм тарихлардан республика, аның кешеләре, истәлекле урыннары һәм башкалар турында уникаль хикәя барлыкка килергә мөмкин», – дип аңлата бәйгене оештыручылар.
Катнашу өчен видеоролик өчен ике форматның берсе рөхсәт ителә: өч һәм бер минутка кадәр. Видеороликларның оригиналларын oprt.tatar@yandex.ru электрон адресына MPEG4 яки AVI форматында 17 декабрьгә кадәр җибәрергә кирәк. Социаль челтәрләрдә видеороликларыгызны урнаштырганда аккаунтның ачык булуына һәм түбәндәге хэштеглар күрсәтелүенә инанырга кирәк: #МинЯратамСинеТатарстан #ГодРодныхЯзыковРТ #15летОПРТ.
Конкурста теләге булган һәр кеше яки теләсә кайсы иҗади коллектив катнаша ала. Катнашучыларның яше чикләнмәгән.
Җиңүчеләрне 2021 елның 24 декабрендә билгеләячәкләр. Конкурсның гомуми приз фонды 540 мең сум. Видеороликларның һәр форматында өчәр җиңүче булачак: 1 урын – 120 мең сум; 2 урын – 100 мең сум; 3 урын – 50 мең сум.
Конкурсның Нигезләмәсе һәм тулырак мәгълүмат белән сез, сылтама буенча күчеп, таныша аласыз.
Дуслык йортының мәгълүмат үзәге