(8 декабрь 2017) Татарстанның Халыклар Дуслыгы йортының «Мирас» инструменталь ансамбле сәнгать җитәкчесе Рөстәм Рахматуллинга ТР Президенты карары буенча «Татарстан Республикасының атказанган артисты» мактаулы исеме бирелде.
Мактаулы исемне тапшыру тантанасы Г.Камал театрында «Казан» бию ансамбленең беренче юбилей концертында булды.
Әлеге концертта Татарстан Президенты ярдәмчесе Ләйлә Фазлыева һәм ТР Мәдәният министры Айрат Сибагатуллин танылган коллективның күп кенә әгъзаларына республиканың хореография сәнгате үсешенә керткән өлешләре өчен ТР атказанган артисты исемен бирде, рәхмәт хатларын, мактау грамоталарын тапшырды. Мактаулы исем бирелүчеләр арасында Татарстанның Халыклар Дуслыгы йортының «Мирас» инструменталь ансамбле сәнгать җитәкчесе, «Казан» бию ансамбленең халык инструментлары оркестры артисты Рөстәм Рахматуллин да бар.
Талантыгыз һәм осталыгызга югары дәрәҗәдә бәя бирелү белән Сезне чын күңелдән котлыйбыз!
Халыклар Дуслыгы йортының мәгълүмат үзәге