(29 сентябрь, 2015 ел) “Мистер этно – 2015” конкурсының төп призын Карелия Милли театры актеры Андрей Горшков яулады, дип хәбәр итә республиканың Мәдәният министрлыгы мәгълүмат үзәге.
Конкурсның финалы 25 сентябрьдә Ульяновск шәһәрендә үтте. “Мистер этно – 2015” исеменә 18дән алып 30 яшькә кадәрге 12 ир-ат ярышты. Катнашучылар жюрига этно-визитка тәкъдим иттеләр, милли киемнәр күрсәттеләр, иҗади чыгыш ясадылар һәм милли ризык әзерләделәр. Иҗади ярышта корелия актеры үзе язган рэпны милли телдә укыды. Җиңүче исеме белән беррәттән Андрей Горшков төп приз – алтын сәгатькә ия булды.
“Җан атып торган барлык тамашачыларга рәхмәт әйтәм. Шулай ук барлык жюри әгъзаларына һәм Ульяновск шәһәренә рәхмәтемне белдерәм”, — дип сөйләде җиңүче. Конкурсның барлык катнашучылары да диплом, бүләк һәм кубоклар алдылар.
Мәгълүмат http://nazaccent.ru сайтыннан алынды