(4 июль 2018) XIV Казан халыкара мөселман киносы фестиваленең оештыру комитеты, АКШ, Европа, Азия, Көньчыгыш илләрен кертеп, дөнья буйлап 56 илдән 967 гариза кабул иткән. Татарстан Республикасы кинематографистларыннан 30 уен, документаль һәм анимацион фильм килеп ирешкән.
Сайлап алу комиссиясен Россиянең кино белгече Сергей Лавреньев җитәкли.
XIV Казан халыкара мөселман киносы фестивале 4-10 сентябрьдә Татарстан Республикасы Президенты Рөстәм Миңнеханов булышлыгы белән һәм «Россия – ислам дөньясы» стратегик күзаллау группасы партнерлыгында үтәчәк. Фестивальнең ачылу тантанасы «Пирамида» мәдәни-күңел ачу комплексында, ә ябылу тантанасы «Эрмитаж» концерт-холлында узачак.
Тәүге тапкыр чараның төп программасы «Ривьера» күңел ачу комплексының «Grand Cinema 3D Port Cinema» кинотеатрында үтәчәк. Параллель программа «Мир» кинотеатры мәйданында оештырылачак.
Чара кысаларында Халыкара кинофестивальләр җитәкчеләре форумы үтәчәк. Анда Итали, Бөекбритания, Швейцария, Египед, Төркия, Хорватия, Нигерия киноменеджерлары катнашачак.