- Төп сәхнәдә Татарстан халыклары Ассамблеясының милли-мәдәни берләшмәләре коллективлары катнашында күпмилләтле концерт программасы булачак.
- Икенче тапкыр «Пылау фестивале» узачак. Халык тавыш бирү юлы белән иң яхшы рецепт һәм Көнчыгыш сыен әзерләү остасы билгеләнәчәк. Җиңүче казан белән бүләкләнәчәк.
- Нәүрүзнең төп атрибутларыннан берсе – шыттырылган бодай бөртекләреннән ясалган сумаляктан авыз итәргә мөмкин булачак.
- Барлык кунаклар да Нәүрүзнең традицион халык уеннарында катнаша алачак. Катнашучылар һәм җиңүчеләр махсус призлар алачак.
- Бәйрәм кысаларында «Нәүрүз гүзәле» матурлык һәм талант конкурсы узачак. Милли җәмгыятьләрнең иң яхшы вәкилләре милли киемнәр һәм талантларын күрсәтәчәк.
- Бәйрәм кысаларында беренче тапкыр «Нәүрүз батыры» конкурсы узачак.
- Бәйрәм кунаклары Урам театры һәм джамперлар тамашасын күрәчәкләр.
- Милли-мәдәни автономияләр арасында киез итекләр киеп хоккей уйнау буенча чемпионат оештырылачак.
- Көн дәвамында Нәүрүз мәйданында Этномаркет эшләячәк. Анда милли колориттагы әйберләр тәкъдим ителәчәк.
Оештыручылар: Татарстан Республикасы Мәдәният министрлыгы һәм Казан шәһәре Башкарма комитеты ярдәме белән Татарстан халыклары Ассамблеясы һәм Халыклар дуслыгы йорты.
Дуслык йортының мәгълүмат үзәге