(10 февраль, 2016 ел) Татар һәм башкорт җырларын башкаручылар Нефтекамскта иҗади ярышта көч сынашачак, дип хәбәр итә ТР Мәдәният министрлыгы мәгълүмат үзәге.
Ф. Кудашева исемендәге “Дуслык моңы” халыкара конкурсы шәһәрдә 7-9 апрель көннәрендә узачак. Әлеге конкурста 16дан 25 яшькә кадәрге вокал башкаручылар катнашачак. Бу мөмкинлек Югары уку йортларында музыка белгечлеге буенча укучы 1-2 курс студентларына да бирелә. Конкурсантлар 4 җыр башкарачак: башкорт халык һәм татар халык җыры, башкорт композиторының һәм татар композиторының эстрада җыры. Конкурста Россия төбәкләре һәм башка ил музыкантлары катнашачак.
Конкурсны Башкортстан Мәдәният министрлыгы, республика халык иҗат үзәге һәм Нефтекамск администрациясе.