(25 март 2019) Казанда төрки һәм иран халыклары бәйрәме Нәүрүз тәмамланды. Татарстан Халыклары Ассамблеясе һәм Халыклар дуслыгы йорты порталы редакциясе быелгы бәйрәмнең оештыручылар һәм кунаклар тарафыннан атап үтелгән 5 төп яңалыгын җыйды.
1. Пылау фестивале
Нәүрүз бәйрәмендә чын мәгънәсендә кулинар шоу узды. Шашлык һәм камыр ризыкларыннан тыш, әзербайҗан, кыргыз, үзбәк һәм таджик милли-мәдәни автономияләре пешекчеләре үзара иң тәмле пылау пешерү буенча көч сынаштылар. Бәйрәм кунаклары бер казаннан икенче казанга йөреп (пылау аларның каршыларында, ачык утта урамда пешерелде!), төрле төрдәге пылауны авыз иттеләр, сайландылар, бәя бирделәр. Күп кенә катнашучылар әйтүенчә, товарларга бәяләр дә кулай, ризыкларның сыйфаты да әйбт иде. Чараны оештыручылар, барысын да исәпкә алып, киләсе елга бәйрәмнең гастрономик өлешен киңәйтергә планлаштыралар.
2. Этномаркет: җылы, матур һәм кызыклы
«Ефәк юл» II этно-маркет кием, аксессуарлар, азык-төлек, мастер-класслар аша Россиянең алты шәһәреннән 30дан артык катнашучыны тәкъдим итте. Этномаркет ипподром түбәсе астында урнашканлыктан, бәйрәм кунаклары җылынып алу белән беррәттән төрле милләт кешеләре белән аралаша, төрле милли ризыклардан авыз итә, милли брендлардан кием яки аксессуарларлар сатып ала алды.
3. Балалар өчен спорт бәйрәме
Татарстан халыклары яшьләр Ассамблеясе активистлары аерым мәйданчыкта «Дөнья яшьләре» проектын тәкъдим итте. Бию флеш-моблары һәм милли уеннар аша төрле яшьтәге дистәләп бала төрле халыклар мәдәнияты белән танышты.
4. «Нәүрүз гүзәле» матурлык конкурсы
Бәйрәм яңалыкларының берсе «Нәүрүз гүзәле» матурлык конкурсы булды. Төрле милли-мәдәни автономияләрдән булган 6 кыз (татар, кыргыз, үзбәк, таджик, казах һәм төрекмән) бәйрәмнең төп титулы өчен көч сынашты. Нәтиҗәдә, «Нәүрүз гүзәле» титулын Таджикистан вәкиле Сипаргис Зикриёева яулады. Башка катнашучылар төрле титуллар иясе булдылар.
5. Яңача концерт
Яңа форматтагы концерт программасы ахырга кадәр 4 сәгать дәвамында тамашачыларны төп сәхнә янында күңел ачтырды.
Халыклар дуслыгы йортының мәгълүмат үзәге