Президентның мәдәни инициативалар Фонды 2024 елның 25нче июленнән 10нчы сентябренә кадәр 2025 елга беренче төп грант конкурсының гариза бирү кампаниясен ачып җибәрде.
Конкурска түбәндәге проектлар кабул ителә:
— мәдәният һәм академик (классик) сәнгать өлкәсендәге проектлар;
— тармакара, челтәрле мәдәни һәм кросс-мәдәни проектлар;
— мәдәният, сәнгать һәм креатив индустрияләр өлкәсендә белем бирү һәм остазлык проектлары (цифрлы технологияләрне дә кертеп);
— мәдәният, сәнгать һәм креатив индустрияләр өлкәсендә яшь талантларны ачыклау һәм аларга ярдәм итү проектлары;
— креатив индустрияләр проектлары (шул исәптән әдәбият һәм нәшрият эше, дизайн, мода, арт, музыка һәм саунд-дизайн, архитектура һәм урбанистика, яңа медиа, мультимедиа технологияләре, кино, театр, уеннар, креатив индустрияләр инфраструктурасын булдыру һәм үстерү өлкәсе);
— мәдәният, сәнгать һәм креатив индустрияләр өлкәсендә фестивальләр, премияләр, форумнар үткәрүне күздә тоткан проектлар;
— мәдәният, сәнгать һәм креатив индустрияләр өлкәсе стартаплары; заманча популяр мәдәният өлкәсендәге проектлар.
Тулырак мәгълүмат Фондның рәсми сайтында: https://фондкультурныхинициатив.рф/
ТХДЙның мәгълүмат үзәге