(22 март 2021) Казан ипподромында Нәүрүз милли бәйрәменә багышланган халык күңел ачулары узды. Яз килүен төрки һәм иран халыклары вәкилләре билгеләп үтте. (ФОТО)
Төп сәхнәдә Татарстан халыклары Ассамблеясенең милли-мәдәни берләшмәләре коллективлары чыгыш ясады. Бәйрәм кунаклары өчен фотозона, «Этномаркет» җоештырылган иде. Этномаркетта милли бизәкләр төшерелгән төрле сувенирлар һәм аксессуарлар сатып алырга мөмкин иде.
Нәүрүз ел саен төрки һәм иран халыклары тарафыннан 21 март — язгы көн белән төн тигезләшкән көнне билгеләп үтелә.
Шулай ук бәйрәмдә беренче тапкыр пылау фестивале дә узды. Жюри иң яхшы плауны билгеләү өчен өч кандидат тәкъдим иткән ризыктан авыз итте. Җиңүчегә тематик бүләк — казан тапшырылды. Бәйрәмдә пылаудан тыш, сөмәләк — бодайның шыттырылган бөртекләреннән әзерләнгән төрки һәм иран халыклары ризыгын татып карарга мөмкин иде.
Моннан тыш, казанлылар традицион халык уеннарында катнаша, джамперлар тамашасын карый, милли-мәдәни берләшмәләр командалары арасында оештырылган киез итекләрдә хоккей буенча чемпионатны карый алды. Җиңүче командага тәкә бүләк иттеләр.
Татар-информ материалыннан тәрҗемә