(13 гыйнвар, 2017 ел) 13 гыйнварда Казан Кремле музей-тыюлыгында “Тукайга сәяхәт” күргәзмәсенең иллюстрацияләнгән каталогы киң җәмәгатьчелеккә тәкъдим ителәчәк. Әлеге мәдәни вакыйга “Манеж” күргәзмә залында 16.30 сәгатьтә узачак, дип хәбәр итә музейның матбугат хезмәте.
Каталог форматы һәм күләме буенча да зур – барлыгы 400дән артык биттән тора. Күргәзмәдә кебек әлеге каталогта да төрле музейларның фондларыннан Габдулла Тукай исеме белән бәйле тарихи яктан кыйммәтле, истәлекле коллекцияләр турында мәгълүмат тупланган.