(2 февраль) Татарстан халыкларының Дуслык Йорты директоры Ирек Шәрипов Мәскәүдә Рәсәй халыклары Ассамблеясы Советы утырышында чыгыш ясады. Совет утырышы Ассамблеяның 2014 елгы эшчәнлегенә нәтиҗәләр ясауга багышланган иде. Ирек Шәрипов Татарстан халыклары Ассамбеясы һәм Дуслык Йортының узган елгы эш үзенчәлекләре турында уртаклашты.
«Милли сәясәтне эзлекле һәм тотрыклы алып баруда, этникара мөнәсәбәтләрне ныгытуда узган ел күп эшләнде, — дип билгеләп үтте Рәсәй халыклары Ассамблеясы рәисе Светлана Смирнова. — Без дәүләтебезне тагын да алга өндәүче рухи көч табарга тиеш. Үзен чын мәгнәсендә рус милләтеннән дип таныган кеше үз тарихын гына түгел, үзе янәшәсендә яшәүче башка халыкларның да тарихын, мәдәниятын белергә һәм хөрмәт итәргә тиеш.»
Светлана Смирнова яшьләргә һәм аларның инициативаларына күбрәк игътибар бирергә кирәклеге хакында да бәян итте.