(1 ноябрь 2019) Россиянең 85 төбәгендә һәм дөньяның 38 илендә «Зур этнографик диктант» яздылар. Татарстан Республикасының Халыклар дуслыгы йортлары акцияне оештыруда һәм уздыруда актив катнаштылар. (ФОТО)
Диктантны Татарстан буйлап 105 мәйданчыкта яздылар. Казан, Яр Чаллы, Түбән Кама, Нурлат, Менделеевск, Лениногорск һәм башка шәһәрләрдәге дуслык йортлары акциянең оештыручылары булдылар. Дуслык йортлары мәйданчыкларында һәм алар катнашында Зур этнографик диктантны 700дән артык кеше язды.
Татарстанның Халыклар дуслыгы йортында текстны оешма вәкилләре, милли-мәдәни автономияләр җитәкчеләре һәм Яшьләр Ассамблеясе активистлары язды. Дәүләт Думасының Россия Федерациясе Федераль җыелышы депутаты, милләтләр эшләре буенча комитет рәисе Илдар Гыйльметдинов акциянең кунагы булды.
Иң өлкән катнашучыга 74 яшь, иң яшь катнашучыга 20 яшь иде. Мәйданчык буенча уртача балл — 74,27.
Сорауларга дөрес җавапларны 10 ноябрь көнне «Зур этнографик диктант» (www.miretno.ru) һәм Милләтләр эшләре буенча федераль агентлык сайтыннан карап белергә мөмкин булачак. Шушы ук сайларда 12 декабрь көнне барлык мәйданчыклар буенча нәтиҗә дә эленәчәк.
Дуслык йортының мәгълүмат үзәге