(2 декабрь, 2015 ел) 13 декабрь көнне 16:00 сәгатьтә Дуслык Йортының концертлар залында Мәскәүнең “Ромода” иҗат коллективы чыгыш ясаячак.
“Ромода” традицион рус музыкасы ансамбле – заманча Россия өчен актуаль булган фольклор-этнографик юнәзлештәге коллектив.
“Ромода” ансамбле 1996 елда оешкан. Еллар узган саен коллективның составы үзгәргән, әмма бирегә һәрвакыт музыка, иҗат, театр белән бәйле кешеләр килеп торган. Коллектив рус крестьян музыкаль мәдәниятын заманча шәһәр киңлегендә саклап калырга һәм дәвам итәргә тырыша.
“Ромода” ансамбле Россия һәм чит илләрдә үткән фольклор фестивальләре лауреаты: Мәскәү, Санкт-Петербург, Новосибирск, Екатеринбург, Пермь, Омск, Тверь, Польшадагы “Старейшие песни Европы” халыкара фестивале, Литвадагы “Покровские колокола” халыкара фестивале.
Ансамбльнең сәнгать җитәкчесе – Светлана Власова – этномузыка белгече, Гнесин исемендәге Россия Музыка Академиясе тарих-теоретик-композиторлык факультетының өлкән укытучысы, Гнесин исемендәге Россия Музыка Академиясе студентлар-этномузыка белгечләре фольклор ансамбле җитәкчесе, Франция, Швейцария, Польша, Германия һәм АКШта төрле музыкаль-фольклор проектларда катнашкан шәхес.