Россия Герое Рәсим Баксиков Татарстан халыклары Дуслыгы йортында «Батырлык дәресе» үткәрде. Бу очрашуда ул югары сыйныф укучыларына намус, батырлык һәм Ватанга мәхәббәт турында сөйләде. (ФОТО).
Кунакларны Ассамблея һәм Татарстан Халыклары дуслыгы йорты исеменнән директор урынбасары Наталья Мясникова сәламләде.
Сәламләү сүзләреннән соң сәхнәдә Мәскәү мюзикл театры һәм Глеб Матвейчукның продюсерлык үзәге артисты, Борис Брунов исемендәге Бөтенроссия эстрада артистлары конкурсының ГРАН-ПРИ иясе, «Татарстан Республикасы мәдәниятендә казанышлары өчен» күкрәк билгесе иясе Алексей Родионов «Ватан нәрсәдән башлана» дигән җыры белән чыгыш ясады. Җыр очраклы гына сайланмаган: нәкъ менә бу сорау очрашуда төп сорауларның берсе булып торган.
Дискуссия вакытында Рәсим Баксиков мәктәп укучыларына алгы сызыктагы көндәлек тормышы һәм махсус хәрби операциядә катнашуы турында сөйләп, үзенең хәрби һәм тормыш тәҗрибәсе белән уртаклашты.