(10 июль 2019) «Татмедиа» республика матбугат һәм массакүләм коммуникацияләр агентлыгы «Россия халыклары милли бәйрәмнәре» VI Бөтенроссия фотоконкурсында катнашу өчен гаризалар кабул итү турында игълан итте.
Конкурс Россия халыкларының мәдәни мирасын саклауга һәм мәдәният үсешенә үз өлешен кертүче мәгънәле һәм талантлы фотоэшләрне ачу максатыннан оештырыла.
2019 елдагы гомуми премия фонды 225 000 сумны тәшкил итә. Конкурс берничә номинация буенча үтә: «Иң әйбәт сурәт»; «Фотоэшләр сериясе»; «Портрет».
Конкурста катнашучылардан анкета-гаризаларны һәм конкурс эшләрен кабул итү 420066, Татарстан Республикасы, Казан шәһәре, Декабристлар урамы, 2 йорт (6 этаж, 608 кабинет, тел. 570-31-12) адресы буенча, foto-konkurs2019@mail.ru адресына «Россия халыклары милли бәйрәмнәре» Бөтенроссия фотоконкурсы» билгесе белән 2019 елның 1 октяберенә кадәр дәвам итәчәк.
Халыклар дуслыгы йортының мәгълүмат үзәге