Россиядә Бердәм фольклор көнен 17 июльдә билгеләп үтә башларга мөмкин. Мондый тәкъдим V Бөтенроссия фольклорчылар конгрессы нәтиҗәләре буенча яңгырады, дип хәбәр итә Россия Федерациясе Мәдәният министрлыгының матбугат хезмәте.
Яңа бәйрәм җәмгыятьтә Россия халыкларының фольклор мирасын саклауга, үстерүгә һәм популярлаштыруга ярдәм итәргә тиеш. Ул учреждениеләрнең һәм ведомстволарның, белгечләрнең һәм гражданнарның телдән халык иҗатын саклау, өйрәнү һәм алга этәрү буенча көчләрен берләштерергә мөмкинлек бирәчәк.
Бәйрәмне билгеләү инициативасы белән мәдәният хезмәткәрләре, фольклор тикшеренүчеләре, тарихчылар һәм галимнәр, шулай ук Россиянең матди булмаган этнокультура байлыгы ияләре чыгыш ясады.
Мәдәният министрлыгы РФ Президентының тиешле указы проектын әзерләгән инде, документ норматив актлар проектларының федераль порталында җәмәгатьчелек фикер алышуына урнаштырылган.