(9 ноябрь, 2017 ел) Россиянең Премьер-министры Дмитрий Медведев салык санын алу көннәрен раслады. Боерык РФ хакимияте сайтында урнаштырылган.
Беренчел халык санын алу 2018 елның 1 октябереннән 31 октяберенә кадәр, Россиякүләм халык санын алу — 2020 елның 1 октябереннән 31 октяберенә кадәр узачак, дип хәбәр ителә документта.
Халык санын алу нәтиҗәсендә гомуми алганда, регионнар һәм муниципаль беләмлекләр буенча Россия халкының исәбе һәм составы турында рәсми статистик мәгълүмат билгеле булачак. Әлеге мәгълүматта социаль-икътисади характеристика, милләт һәм тел буенча халык составы, аның белем дәрәҗәсе дә күрсәтеләчәк.
Россиякүләм халык санын алуның программа-методик һәм оештыру сорауларын күзаллау өчен беренчел халык санын алуда якынча 550 мең кеше катнашачак. Аның нәтиҗәләре тулаем эшнең бәясен оптимальләштерергә мөмкинлек бирәчәк, дип ачыклык кертелә хакимият боерыгында. Халык санын алуга әзерлек эшләре һәм аны уздыру өчен Росстат җаваплы.