(19 июнь 2015) Усама әл-Наджафи Татарстан белән мөнәсәбәтләрне үстерүдә кызыксыну белдерде.
Татарстан Республикасы Президенты вазифаларын вакытлыча башкаручы Рөстәм Миңнеханов белән Гыйрак Республикасы вице-президенты Усама әл-Наджафи алга таба хезмәттәшлек итү мәсьәләләре хакында бүген фикерләште. Очрашу Санкт-Петербургта, XIX Петербург халыкара икътисади форумы кысаларында узды, дип хәбәр итә ТР Президенты матбугат хезмәте.
Рөстәм Миңнеханов Татарстанның сәнәгый һәм икътисади куәте-мөмкинлекләре хакында кыскача сөйләде, төбәк һәм ил икътисадында әйдәп баручы компанияләрне билгеләп үтте. Аерым алганда, ул «КАМАЗ» ААҖ, компания җитештерә торган продукцияне телгә алды.
ТР Премьер-министры урынбасары — ТР мәгълүматлаштыру һәм элемтә министры Роман Шәйхетдинов очрашу барышында республикада IТ-өлкәдә тормышка ашырыла торган проектлар, шул исәптән «Электрон Татарстан» проекты, хакында бәян итте.
Усама әл-Наджафи Татарстан белән, Россиянең алган киткән субъектларының берсе буларак, мөнәсәбәтләрне үстерүдә кызыксыну белдерде.
«Татар-информ»