Татарстанның Халыклар Дуслыгы йортында Һиндстанның «Рупвани» театр коллективы мастер-класс күрсәтте. Бу көнне «Сәйдәш» мәдәни үзәгендә узган борынгы Һиндстан «Рамаян» эпосының заманча интерпретациясе режиссеры Вьомеш Шукла мастер-класс карарга килгән кунаклар белән аның бу тамашага карашы, куелышның нечкәлекләре белән уртаклашты. (ФОТО)
Мастер-класс вакытында кунакларга актерларның чыгыш алдыннан эмоциональ һәм физик яктан ничек әзерләнүләрен, шулай ук сәхнәдә якты образлар тудыру өчен нинди техникалар куллануларын күрсәттеләр.
Һинд мәдәниятенең иң мөһим элементларының берсе булган Һинд биюенә аерым игътибар бирелде.
Мастер-классның тамашачылары репетициядә катнашып, хәтта профессионаллар җитәкчелегендә Һинд биюенең база хәрәкәтләренә дә өйрәнә алдылар.
ТХДЙның мәгълүмат үзәге