(5 сентябрь, 2015 ел) Ул быелгы фестивальдә, Европа кинокартиналарына караганда, шәрык илләренеке күбрәк булуын да ассызыклады“Быел фестивальнең программасын формалаштыру күпкә җиңелрәк булды, чөнки конкурска юлланган фильмнар күпкә сыйфатлырак иде,- диде бүген ТР Мәдәният министрлыгында Казан XI халыкара мөселман киносы фестиваленең сайлап алу комиссиясе әгъзалары катнашында үткәрелгән матбугат конференциясендә комиссия җитәкчесе Сергей Лаврентьев. – Конкурска җибәрелгән фильмнар саны күп булса да, аларны карау кыенлык тудырмады. Хәзер фильм төшерү өчен әллә ни кирәкми: кешеләрнең, техниканың күп булуы, оештыру сәләте булу да мөһим түгел. Узган ел кәрәзле телефонга төшереп юлланылган кинокартиналар да шактый иде”, — диде ул.
Кино тәнкыйтьчесе сүзләренчә, уенлы кинолар арасында аерылып торган лидер фильм юк. Аның фикеренчә, фестивальдә җиңү түгел, ә катнашу мөһимрәк.
Сергей Лавреньев быелгы фестивальдә Европа кинокартиналарына караганда, шәрык илләренеке күбрәк булуын да ассызыклады.
Мәгълүмат http://www.tatar-inform.ru/ сайтыннан алынды.