(22 гыйнвар) Россия Тышкы эшләр министрлыгы Схетынаны «тарихтан көлүне туктартырга» чакырып белдерү ясады.
«Мин хәтта моны шәрехли алмыйм. Освенцимны Кызыл Армия азат иткән. Анда руслар да, украиннар да, чеченнар да, татарлар да, грузиннар да булган. Бу вәзгыятьтә нинди дә булса милләтчелек хисләрендә уйнарга омтылу — мысыллау һәм оятсызлык», — дип белдерде Лавров.
Кичә Схетына Польша радиосына биргән интервьюда 1945 елның 27 гыйнварында Освенцимга беренче булып нәкъ менә украин солдатлары кергән дигән.
«Бу Беренче Украина фронты һәм украиннар иде дию дөресрәктер. Чөнки нәкъ менә украиннар әлеге гыйнвар көнендә лагерь капкаларын ачып, лагерьны азат иткән», — дигән министр.
Схетына белдерүе шунда ук Россия хакимияте тарафыннан ачулы шәрехләр тудырды.
БМОда Россиянең даими вәкиле Виталий Чуркин искәрткәнчә, Беренче Украина фронты составына советлар Союзының 100дән артык этник төркеме кергән, шул исәптән руслар, украиннар, белоруслар, грузиннар, әрмәннәр, әзербайҗаннар, Үзәк Азия милләтләре вәкилләре.