(17 март 2021) Татарстанның Халыклар дуслыгы йортының Инстаграм һәм Вконтакте челтәрләрендә «Нәүрүз гүзәле» матурлык һәм талант конкурсында катнашучылар өчен тавыш бирү бара. Җиңүче «Тамашачылар мәхәббәте Гүзәле» исемен алачак. Алты конкурсант өчен 1,5 меңнән артык кулланучы тавыш биргән инде.
«Нәүрүз гүзәле» конкурсының финалы 21 март көнне Казан ипподромында төрки һәм иран халыкларының «Нәүрүз — 2021» республика бәйрәме кысаларында узачак.
Конкурста Кыргызстан, Башкортстан, Үзбәкстан, Таджикистан һәм Казахстаннан алты кыз катнаша. Ошаган кыз өчен Инстаграм һәм Вконтакте битләрендә урнаштырылган язмалар буенча тавыш бирергә мөмкин
Дуслык йортының мәгълүмат үзәге