(4 август, 2015 ел) Свердловск өлкәсе кунаклары Татарстан белән танышуларын борынгы Болгар шәһәрендә дәвам итә
30 июль Бөтендөнья татар конгрессы Башкарма комитетының актлар залында Свердловск өлкәсенең Берёзовский шәһәреннән килгән татарлар белән очрашу узды. Березовский шәһәренең татар һәм башкорт җәмгыяте рәисе Фрида Насретдинова җитәкчелегендәге делегация составында 25 милләттәшебез килгән иде, дип хәбәр итә конгресс сайты.
Очрашуны Бөтендөнья татар конгрессы Башкарма комитеты рәисенең беренче урынбасары Данис Шакиров һәм Бөтендөнья татар конгрессы Башкарма комитетының Татарстан Республикасы районнарындагы татар иҗтимагый оешмалары белән эшләү бүлеге җитәкчесе Шәмсия Җиһангирова уздырды.
Бүген Свердловск өлкәсе кунаклары Татарстан белән танышуларын борынгы Болгар шәһәрендә дәвам итә.
Мәгълүмат http://www.tatar-inform.ru/ сайтыннан алынды.