(1 октябрь 2021) Татарстанның Халыклар дуслыгы йорты директоры Ирек Шәрипов һәм аның урынбасары Наталья Мясникова үткәргән экскурсия барышында Сасиват Вонгсинсаватка Татарстан халыклары Ассамблеясенең ресурс үзәге буларак Дуслык Йортының эш тәҗрибәсен тәкъдим иттеләр.
Шулай ук Сасиват әфәндегә Күпмилләтле якшәмбе мәктәбендә балаларны укыту, Дуслык йортының мәгълүмат үзәге эше һәм Татарстанның милли-мәдәни берләшмәләре ел саен үткәрә торган традицион республика бәйрәмнәре турында сөйләделәр.
Таиландның Россия Федерациясендәге Гадәттән тыш һәм Тулы вәкаләтле илчесе Сасиват Вонгсинсават әфәнденең Татарстан Республикасына визитын Татарстан Республикасы сәнәгать һәм сәүдә министрлыгы оештырды.
Татарстан халыклары Ассамблеясе башкарма комитеты җитәкчесе Константин Яковлев Сасиват Вонгсинсават әфәндене оешма эшчәнлеге белән таныштырды.
Экскурсиядән соң Сасив Вонгсинсават әфәндегә «Татар дөньясы» китабының коллекцион басмасын тапшырдылар.
Дуслык йортының мәгълүмат үзәге