(15 июль, 2015 ел) Кинокартина “Best Shorts Competition” халыкара кинофестивалендә төп бүләккә ия булган
Мәскәү татарлары үзенчәлекләрен бәян иткән “Тайны татар Москвы” фильмы АКШта узган “Best Shorts Competition” халыкара кинофестивалендә төп бүләккә — статуэткага ия булды. Кинокартинаның режиссеры — Фәрит Фәрисов.
Фильмны комиссия май аенда ук “Кыска метражлы документаль кино” номинациясе өчен сайлап алган булган. Калифорниянең Сан-Диего шәһәрендә 5 нче тапкыр уздырылган фестивальдә җиңү яулаган кинокартина “Тайны татарского народа” трилогиясенең бер өлеше, диелә “Москва татарская” сайтында.
Искәртеп узабыз: фильмның премьерасы узган елның август аенда Мәскәү татарларының Әсәдуллаев йортында булган иде.
«Татар-информ»