(19 август, 2015 ел) Ул Халыкара “Chorus Inside International” фестивалендә катнашканИжевск шәһәрендә туып үскән татар кызы Диләрә Гаделшина Италия вәкилләре Мәскәүдә уздырылган “Chorus Inside International” халыкара фестиваленең II турына узган һәм Рим шәһәренең тарихи үзәге – Пантеонда чыгыш ясаган.
Беренче турда кыз испан һәм инглиз телләрендә җырласа, Италиядә ул татарча “Озату” җырын башкарган.
Кызның гаиләсе озак вакыт Татарстанда яшәп, Ижевскига күчкән. Диләрәнең әти-әнисе дә − җырчылар һәм күп конкурсларда җиңүчеләр. Җырчы кыз үзе Удмуртиядә узган һәр бәйгедә катнашкан, Рәшит Ваһапов бәйгесендә ул “Гөлҗамал” җырын башкарып, Гран-прига ия булган. Диләрә җиде телдә җырлый, дип хәбәр итә tatar—congress.org/ru/ сайты.