«Татар сүзе» халыкара телевизион нәфис сүз бәйгесенә гаризалар кабул итү дәвам итә. Аңа 2022 елның 31 октябренә кадәр кушылырга мөмкин, дип хәбәр итә оештыручылар.
Анкетаны теләге булган һәркем рус яки татар телендә анкета тутыра ала. Гаризада видеоролик та булырга тиеш. Аны рәсми почтага: tnvtatarsuze@mail.ru җибәрергә кирәк.
Конкурс берничә яшь категориясенә: 10 яшькә кадәр, 10 яшьтән 17 яшькә кадәр һәм 18 яшьтән зуррак катнашучылар өчен бүленгән. Шулай ук иҗади гаиләләр, 15 яшьтән зуррак башкаручылар һәм профессионаллар чыгыш ясый алачак.
Чараны Татарстан Республикасы Президенты каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе һәм «Яңа Гасыр» телерадиокомпаниясе акционерлык җәмгыяте оештыра. Ул татар халкының бай тарихи-мәдәни байлыгын популярлаштыру максатында үткәрелә.
Бәйге нәтиҗәләре буенча гала-концерт узачак, ул 2023 елның 1 июненнән дә соңга калмыйча үтәчәк.
Чара турында тулырак мәгълүматны сылтама аша кереп белергә мөмкин.