«Пирамида» концерт-күңел ачу комплексында «Татарстан гүзәле» XXIV Республика матурлык конкурсы финалы узды. Финалга өч дистә катнашучы чыкты, кызлар өч дисциплинада көч сынашты: «Визитка», «Купальникларда дефиле» һәм «Блиц-интервью».
Берничә атна дәвамында конкурсантлар сәхнәгә чыгуга актив әзерләнделәр. Бу эштә аларга профессиональ төркем ярдәм итте, аның составына сәхнәгә куючы режиссерлар, хореографлар, стилистлар һәм фотографлар керде. Катнашучылар арасына эләгү өчен, билгеле бер таләпләргә туры килергә кирәк иде: 14тән 23 яшькә кадәр булырга, модель стандартларына туры килә торган гармонияле тышкы кыяфәт һәм гәүдә төзелеше, ачык индивидуальлек, сөйкемлелек.
«Мисс Казан» таҗына Ралинә Әхмәдуллина ия булды. Икенче вице-мисс титулын Ксения Кирсанова, беренче вице-мисс таҗын Рамина Пронина алды.
«Татарстан гүзәле» титулына Анна Атаманова лаек булды. Ул «Россия гүзәле-2022» матурлык конкурсында республиканы тәкъдим итәчәк.
Анна Атамановага Татарстан халыклары Ассамблеясы һәм Дуслык йорты исеменнән махсус бүләк — кул сәгатен — «Дөнья энҗесе — 2021» Халыкара матурлык һәм талант конкурсында җиңү яулаган Анаит Хачатурян тапшырды. «ТР әрмәннәренең милли-мәдәни автономиясе» төбәк иҗтимагый оешмасы 2022 елда матурлык конкурсының партнеры булды.
Фото: Татар-информ
Дуслык йортының мәгълүмат үзәге KazanFirst материалы буенча