Утырышны ТР Дәүләт Советы Рәисе, Татарстан халыклары Ассамблеясы Советы Рәисе Фәрит Мөхәммәтшин ачты. Ул республиканың күпмилләтле җәмәгатьчелегенә көндәлек тырыш хезмәтләре өчен рәхмәт белдерде:
«Милли-дини һәм рухи-мәдәни өлкәләрдәге проблемалар һәм бурычлар җитәрлек. Тырышлыкны берләштереп кенә без халыкларның күпгасырлык дуслыгының зур иҗади потенциалын сакларбыз һәм арттырырбыз», — диде ул.
Утырыш барышында Татарстан халыклары Ассамблеясы Советы башкарма комитеты җитәкчесе Константин Яковлев, Татарстанның Халыклар дуслыгы йорты директоры Ирек Шәрипов, Казан шәһәренең Күпмилләтле якшәмбе мәктәбе директоры Маринэ Хухунашвили, Татарстан халыклары Яшьләр Ассамблеясы Советы Рәисе Тимур Кадыйров үзләре җитәкләгән оешмалар һәм учреждениеләр эшчәнлеге турындагы доклад белән чыгыш ясадылар.
Совет утырышы ахырында Фәрит Мөхәммәтшин болай дип билгеләп үтте:
«Алда бик күп чаралар көтә. Тырышлыкны берләштереп кенә без халыкларның күпгасырлык дуслыгының зур иҗади потенциалын сакларбыз һәм арттырырбыз. Милләтара тынычлык һәм татулык, халык рухы – безнең уртак эшебезнең нигезе».
Дуслык йортының мәгълүмат үзәге