(29 август 2021) Интернет челтәрдә ике көнлек «Без — Татарстан» онлайн-марафоны старт алды. Анда Татарстан халыклары Ассамблеясе һәм Дуслык Йортының республика районнары вәкилләре катнашты. (ВИДЕО)
Ике көн дәвамында тамашачылар Татарстанның төрле халыклары һәм муниципаль районнарының фольклор коллективлары чыгышларын карый алачак.
Моннан тыш, Татарстан халыклары Ассамблеясенең милли-мәдәни автономияләре җитәкчеләре Татарстан Республикасы көне белән котлаячак.
Трансляциянең беренче көн программасын Вконтакте, шулай ук YouTube видеохостингында карарга була. Онлайн-марафонның икенче көне 30 августта 10: 00 сәгатьтә башлана.
ДДнТ мәгълүмат үзәге
Дуслык йортының мәгълүмат үзәге