(23 октябрь, 2015 ел) 20-24 октябрь көннәрендә ел да үткәрелә торган Россия-Монголия дуслыгы айлыгы кысаларында Улан-Батор, Дархан һәм Эрдэнэт шәһәрләрендә Татарстанның дәүләт фольклор музыкасы ансамбле концертлар бирәчәк. Ә Татарстанда декабрь аенда Кырым татарларының «Къырым» дип аталган фольклор ансамбле гастрольләре узачак.
Ансамбль Монголиягә икенче тапкыр килә. Татар артистлары 2008 елда шундый ук айлык кысаларында чыгыш ясаганнар иде, дип хәбәр Татарстан Республикасы мәдәният министрлыгы.
Ә декабрьнең 10сыннан 12 сенә кадәр Татарстанда беренче тапкыр Кырым татарларының «Къырым» дип аталган фольклор ансамбле гастрольләре узачак. Концертлар ике мәйданчыкта – 10 декабрьдә 18.30да Чаллының Орган залында һәм 12 декабрьдә Казанның «Уникс» залы сәхнәсендә 18.00дә була.
«Къырым» ансамбле 1990 елда Симферопольдә оешкан. Директоры һәм сәнгать җитәкчесе – Украина Республикасының һәм Татарстан Республикасының Атказанган сәнгать эшлеклесе Сәрвәр Какура.
Мәгълүмат http://tatar-congress.org сайтыннан алынды