(20 апрель 2018) Татарстан Республикасында «Сабантуй» татар бәйрәме 23 июнь, ә «Каравон» рус бәйрәме 26 май көнне үтәчәк. Әлеге даталар Татарстан Республикасы Президенты Рөстәм Миңнеханов әмере белән расланган.
Каравон — Россиякүләм рус фольклоры фестивале, Татарстан Республикасында рус халык бәйрәме. 2003 елдан Татарстан Президенты әмере буенча ул дәүләт статусындагы бәйрәмгә әйләнде һәм ел саен шул ук исемдәге рус фольклоры фествиале белән берлектә Лаеш районының Никольское авылында уздырыла.
Казанда һәм Яр Чаллыда Сабантуй 23 июнь, ә Татарстанның район үзәкләре һәм авыл җирлекләрендә 16 һәм 17 июньдә үтәчәк.
Сабантуй Россиядә футбол буенча Чемпионат узу көннәренә туры киләчәк. 24 июнь көнне Казанда Польша һәм Колумбия җыелма командаралы матчы узачак.
Халыклар Дуслыгы йортының мәгълүмат үзәге