Татарстанның Халыклар Дуслыгы йортында Татарстан Республикасы керәшен иҗтимагый оешмасының хисап-сайлау конференциясе уздырылды. Чарада республика районнарыннан һәм шәһәрләреннән 180ләп делегат катнашты. Очрашуның модераторы булып Татарстан Республикасы керәшен иҗтимагый оешмасы җитәкчесе Иван Егоров чыгыш ясады. (ФОТО)
Конференция эшендә катнашу өчен дәүләт һәм муниципаль хакимият органнары, Татарстан халыклары Ассамблеясе вәкилләре һәм руханилар чакырылган иде.
Очрашуда Татарстан Республикасы Мамадыш муниципаль районы башлыгы, Россия Федерациясе Дәүләт Думасы депутаты Анатолий Иванов, Зеленодольск муниципаль районы башлыгы, Зеленодольск шәһәре мэры Михаил Афанасьев, Татарстан Республикасы Рәисенең эчке сәясәт мәсьәләләре департаментының милли сәясәтне гамәлгә ашыру идарәсе башлыгы Данил Мостафин, Татарстан халыклары Ассамблеясе Советы башкарма комитеты җитәкчесе Ренат Вәлиуллин, Татарстанның Халыклар Дуслыгы йорты директоры Тимур Кадыйров һәм башкалар катнашты.
«Без бирегә башкарган эшебез һәм киләчәккә карата планнарыбыз турында сөйләшергә җыелдык. Безнең идарә составының вәкаләтләре вакыты тәмамланды. Узган өч елда шактый эш башкарылды. Бүген эшне йомгаклап, яңа бурычларны билгеләрбез. Идарә йөкләмәсе буенча миңа конференция делегатларын һәм кунакланын сәламләргә рөхсәт итегез», — дип билгеләп үтте Иван Егоров.
ТХДЙның мәгълүмат үзәге