(26 гыйнвар) Медальне тантаналы рәвештә Мәүлид кичәсендә Мәскәү һәм Мәскәү өлкәсе, шулай ук Чуашстан мөфтие тапшырды.
Татарстан Республикасы мөфтие Камил хәзрәт Сәмигуллин Чуашстан Республикасына кылган эшлекле сәфәр вакытанда “Чуашстан Республикасы мөселманнары Диния нәзарәте оешуга 20 ел” дип исемләнгән юбилей медале белән бүләкләнде. Аны, тантаналы рәвештә, Мәүлид кичәсендә Мәскәү һәм Мәскәү өлкәсе, шулай ук Чуашстан мөфтие Әлбир хәзрәт Крганов тапшырды.
Бу күкрәк билгесе ике мөфтиятнең уңышлы хезмәттәшлеге һәм җәмгыяттә рухи кыйммәтләрне ныгыту юнәлешендә актив эшчәнлек өчен бирелде, дип хәбәр итә ТР мөселманнары Диния нәзарәте матбугат хезмәте.
Искәртәбез: 25 гыйнварда Камил хәзрәт Сәмигуллин рәсми визит белән Чуашстан мөселманнары Диния нәзарәтендә булды. Биредә ул данлыклы Тукай авылында мәдрәсә бинасын ачу тантанасында һәм Мәүлид бәйрәмнәрен йомгаклау кичәсендә катнашты.