Татарстан Республикасы Рәисенең Эчке сәясәт мәсьәләләре департаментының Милли сәясәтне гамәлгә ашыру идарәсе баш киңәшчесе Гүзәл Шакирова, Татарстан халыклары Ассамблеясе Советының башкарма комитеты җитәкчесе Ренат Вәлиуллин, шулай ук «Татарстан» ВГТРК телевидениесенең мәгълүмат программалар хезмәте башлыгы урынбасары Эльмира Комарова Ханты-Мансида узган V Бөтенроссия милли бердәмлек форумында катнаштылар. Аның программасы мәгълүмат киңлегендәге сүзгә карата җаваплы мөнәсәбәт мәсьәләләренә юнәлтелгән.
Чарада илнең 35 төбәгеннән 500дән артык кеше катнаша, шул исәптән, Югра, Коми Республикасыннан, Самара һәм Архангельск өлкәләреннән дә. Алар арасында милли сәясәт өлкәсендәге җитәкчеләр һәм белгечләр, закон чыгару һәм башкарма хакимият вәкилләре, милли-мәдәни берләшмәләр һәм дини оешмаларның лидерлары һәм активистлары, шулай ук Югра яшьләре дә була.
Россия Федерациясе Хөкүмәте рәисе урынбасары Дмитрий Чернышенконың форум вакытындагы сәламләвендә, чит ил дәүләтләренең Россиядә иҗтимагый-сәяси вәзгыятьне тотрыксызландыруга юнәлдерелгән милләтара конфликтлар тудыруы дәүләт милли сәясәтен даими камилләштерү кирәклеген аңлата, дип билгеләп үтелә.
ТХДЙның мәгълүмат үзәге.