(14 декабрь, 2015 ел) Татарстан халыклары Дуслык Йортында “ТР рус милли-мәдәни берләшмәсе”региональ иҗтимагый оешмасының отчет-сайлап алу җыелышы узды.
Татарстан халыклары Дуслык Йортының концертлар залында Татарстан Республикасының кырыктан артык муниципаль берәмлекләреннән килгән рус җәмгыяте вәкилләре җыелган иде. Җыелышны ТР руслары милли-мәдәни берләшмәсе рәисе Василий Носов ачты.
Беркетмәгә туры китереп, президиум сайланды: ТР Дәүләт Советы рәисе, Татарстан халыклары Ассамблеясы Советы рәисе Фәрит Мөхәммәтшин, Татарстан халыклары Ассамблеясы рәисе урынбасары Ирина Александровская, Казан һәм Татарстан митрополиты Феофан, ТР Президенты эчке сәясәт мәсьәләре буенча департаментының милли сәясәтне гамәлгә ашыру идарәсе җитәкчесе Данил Мостафин һәм “Яр Чаллы Рус җәмгыяте” җирле иҗтимагый оешма рәисе Анатолий Рябов.
Җыелыш барышында беренче отчет-сайлап алу җыелышыннан соң үткән 3 ел эчендә эшләнелгән эш нәтиҗәләре каралды һәм региональ иҗтимагый оешма рәисе, шулай ук аның урынбасарлары сайланылды.
Татарстан халыклары Дуслык Йорты мәгълүмат үзәге