Татарстанның Халыклар дуслыгы йортында Томск Дуслык йорты белән хезмәттәшлек турында килешүгә кул куелды. (ФОТО)
Ике як уртак чаралар оештыру һәм үткәрү, мәгълүмати продуктлар булдыру турында килеште. Документны Татарстан халыклары Ассамблеясы Советы Рәисе урынбасары, республика Халыклар дуслыгы йорты директоры Ирек Шәрипов һәм Томск дуслык йорты директоры Андрей Собин имзалады.
Чара алдыннан Андрей Собинны Ассамблея, Дуслык йорты һәм Күп милләтле якшәмбе мәктәбе эшләнлеге белән таныштырдылар. Кунак шулай ук җирле милли-мәдәни автономияләр җитәкчеләре белән дә танышты.
Әлеге килешү Татарстанның Халыклар дуслыгы йорты өчен унберенче булды. 2021 елда шундый ук документ Якутиянең А.Е. Кулаковский исемендәге Халыклар дуслыгы йорты белән төзелгән иде.
Дуслык йортының мәгълүмат үзәге