(1 апрель 2015) Татарстанда яшәүче чуашларның милли-мәдәни автономиясе “Татарстанда иң яхшы чуаш мәктәбе” дигән бәйге игълан итә. Чуаш милли-мәдәни автономиясе җитәкчесе Константин Яковлев сүзләренә караганда, бәйге мәктәпләрдә укытучыларның профессиональ дәрәҗәсен күтәрү, алдынгы педагогик тәҗрибәне бөтен республика мәктәпләренә тарату, уку-укыту процессында яңа техника һәм технологияләрне күбрәк куллану максатыннан уздырыла.
Бәйге 2015 елның 15 апреленнән 30 ноябренә кадәр барачак. Гаризалар sveta-elshel@mail.ru адресы буенча кабул ителә.
Конкурста катнашучылар түбәндәге билгеләр буенча бәяләнә:
— мәктәпнең атамасы һәм сәламләү сүзләренең милли телдә язылуы;
— мәктәпнең гомуми торышы;
— чуаш теле һәм әдәбияты кабинетының бизәлеше;
— мәктәпнең китап фонды.
Конкурста 1,2 һәм 3 урынны алучыларга акча биреләчәк. Аның күләме 25000, 15000, 10000 мең тәшкил итә.
Конкурста җиңеп алган акча мәктәпләрне төзекләндерүгә җәлеп ителәчәк. Ә сумманың 20% милли мәгърифәтне үстерүгә үз өлешен керткән алдынгы укытучыларга бүлеп биреләчәк.
Белешмәләр өчен тел: 8(843) 2939375, 8(843) 2962728 – Константин Геннадиевич Яковлев;
8(843) 2939378, 89274012633 – Эдуард Ильясович Биктимиров;
89274148602 – Светлана Вениаминовна Садыкова.
Информацион үзәк (Дуслык йорты)