(16 март 2015) Татарстанда яшәүче чуашларның милли-мәдәни автономиясе, республика муниципаль районнары «Татарстанда иң ямьле чуаш авылы» конкурсы игълан иттеләр. Чуаш милли-мәдәни автономиясе җитәкчесе Константин Яковлев сүзләренә караганда, конкурс авыл халкын урамнарга агачлар, өй алларына чәчәкләр утырту, коймаларны буяу, урамнарны, авыл тирәләрен, зыяратларны чүп-чардан чистарту, чишмәләрне төзекләндерү һәм башка агарту-чистарту эшләренә җәлеп итү, балаларда һәм яшьләрдә туган җиргә мәхәббәт тәрбияләү максатында уздырыла.
Конкурста катнашучылар түбәндәге билгеләр буенча бәяләнә:
— авыл исеменең чуаш телендә, милли стильдә язылуы;
-авылның гомуми йөзе;
— милли һәм рәсми чаралар уздыру урынының торышы;
— кунакчыллык;
— тормыш-көнкүреш калдыкларын җыю урыны торышы;
— чишмәләр һәм коелар торышы;
— зыяратлар төзеклеге;
Конкурста 1,2 һәм 3 урынны алучыларга акча биреләчәк. Аның күләме 50000, 30000, 20000 мең тәшкил итә.
Конкурста җиңеп алган акча торак пунктларын төзекләндерүгә җәлеп ителәчәк. Ә сумманың 20% төзекләндерүгә үз өлешен керткән оешма, учреждениеләрнең хезмәткәрләренә бүлеп биреләчәк.
Конкурс 2015 елның 1 апреленнән 1 октябренә кадәр дәвам итә.
Гаризалар 15 марттан 15 июньгә кадәр sveta-elshel@mail.ru электрон почта адресы аша кабул ителә. .
Белешмәләр өчен тел: 8(843) 2939375, 8(843) 2962728 – Константин Геннадиевич Яковлев;
8(843) 2939378, 89274012633 – Эдуард Ильясович Биктимиров;
89274148602 – Светлана Вениаминовна Садыкова.
Информацион үзәк (Дуслык йорты)