Татарстанның Халыклар дуслыгы йортында күпмилләтле якшәмбе мәктәпләре һәм этнокомпонентлы белем бирү мәктәпләренең республика фестиваленең Гала-концерты узды. (ФОТО)
Фестиваль «хореография», «вокал», «халык иҗаты» номинацияләре буенча узды. Анда 1-4 сыйныф, 5-8 сыйныф һәм 9-11 сыйныф укучылары катнашты.
Фестивальгә барлыгы 120 гариза кабул ителде. Яр Чаллы, Әлмәт һәм Казан шәһәрләрендә үткән зона турларында Татарстанның 30 муниципаль районыннан барлыгы 1020 укучы чыгыш ясады.
Гала-концертта 23 районнан иң әйбәт коллективлар һәм аерым башкаручылар катнашты: Әгерҗе, Актаныш, Балтач, Минзәлә, Кайбыч, Кукмара, Алексеевск, Әлмәт, Бөгелмә, Менделеевск, Ютазы, Мамадыш, Буа, Зәй, Мөслим, Спас, Чүпрәле, Яңа Чишмә, Чирмешән, Алабуга, Яр Чаллы һәм Казан.
Җиңүчеләргә диплом һәм истәлекле бүләкләр, ә катнашучыларга дипломнар тапшырылды.
Гран-прига Казанның Күпмилләтле якшәмбе мәктәбенең «Сакартвело» хореография коллективы ия булды, җитәкчесе – ТР атказанган мәдәният хезмәткәре Теа Пертая.