(12 июнь, 2017 ел) Татарстанда ТР Дәүләт Советының мәдәният, фән, мәгариф һәм милли мәсьәләләр Комитеты рәисе, Татарстанның халык язучысы Разил Вәлиевның «Шагыйрь» шигырен дөнья телләрендә тәкъдим итүче уникаль китап басылды.
«Шагыйрь» шигыре 53 телгә тәрьҗемә ителгән: рус, инглиз, француздан алып Дагыстан (нугай, лезгин һ.б.), хәтта Себердә яшәүче аз санлы халыклар телләренә кадәр (ханты, эвен һ.б.).
«Шагыйрь» шигырендә үзем өчен иң мөһим максатлар куелды һәм алдагы тормыш тәртибе юлым сызылды», — дип яза автор китап аннотациясендә.
«Еллар узгач кына аңладым: дөньяви үзгәрешләрне иң беренче чиратта үзеңнән башларга кирәк».
Татарстанның Халыклар Дуслыгы йортының мәгълүмат үзәге