Белешмә. Борынгы йола буенча, «Балтай» Троицадан соң бер атна узгач бәйрәм ителә. Аның нигезендә урман патшасы аюга багышлап мәҗүси гыйбадәт кылу ята. Борынгылар сөйләү буенча, 1902 елда Кармалка авылында Балтай исемле дәрвиш бабай барлыкка килә. Бер көнне ул, балаларны куандырам дип, агач ботаклары белән уранып, авыл буенча йөреп чыга. Шул көннән бәйрәм «Балтай» исемен йөртә. 2000 елда Балтай республикакүләм мордва мәдәнияте бәйрәме статусына ия була һәм ел саен Лениногорск районының Кармалка авылында уздырыла. Бу көнне мордва (эрзя) халкы вәкилләре бу җирләргә беренче булып төпләнгән ата-бабаларын, урман хуҗасы Вирява һәм урман патшасы аюны искә алалар.
Ике атнага сузылачак чаралар исемлеге белән сылтама аша узып танышырга мөмкин.